Prokuroria Themelore Publike Shkup ka lëshuar një Urdhër për zhvillimin e procedurës hetimore kundër një personi për të cilin ekziston dyshim i bazuar se ka kryer veprën penale – Prodhim, posedim, ndërmjetësim dhe tregti të paautorizuar me armë ose lëndë plasëse, sipas nenit 396 paragrafi 5, në lidhje me paragrafët 3 dhe 1 të Kodit Penal.
Gjatë bastisjes në shtëpinë e të dyshuarit në fshatin Batincë, punonjësit e policisë kanë gjetur armë dhe një sasi të madhe municioni – tre pistoleta dhe gjithsej 643 plumba me kalibra të ndryshëm, të destinuara për lloje të ndryshme armësh.
Prokurori publik vlerësoi se janë përmbushur kushtet ligjore – rreziku nga arratisja dhe mundësia e përsëritjes së veprës penale – ndaj i paraqiti gjyqtarit të procedurës paraprake të Gjykatës Themelore Penale Shkup një propozim për caktimin e masës së paraburgimit për të dyshuarin, theksojnë nga prokuroria.