Aventura e Rino Gattusos në Kroaci në pankinën e Hajdukut të Splitit nuk nisi në mënyrën më të mirë për shkak të eliminimit në Ligën e Konferencës nga sllovakët e Ruzemberok, dorëheqjes së drejtorit sportiv Nikola Kalinic (njeriu që kishte zgjedhur atë) dhe të përplasjes me Ivan Perisic që më pas përfundoi jashtë skuadrës. Por shpërblimi për trajnerin italian mbërriti në kampionat, ku skuadra e tij nuk ka humbur asnjëherë në gjashtë ndeshje (katër fitore dhe dy barazime) dhe në këtë moment e gjen veten në krye të tabelës së bashku me Rijekën.
Një moment historik që Gattuso, i cili nuk është i panjohur për sjelljen bujare ndaj lojtarëve dhe stafit në karrierën e tij, donte ta festonte duke shpenzuar rreth 40 mijë euro për t’i dhënë të gjithëve 35 iPhone 16, modeli më i fundit i lançuar nga kompania përkatëse.
Gjesti i ish-mesfushorit italian erdhi pas fitores si mysafir (1-0 me gol të ish-lojtarit të Interit, Livaja) në ndeshjen më të përzemërt, ndeshjen ndaj rivalëve të mëdhenj Dinamo Zagreb, por siç u përmend ish-mesfushori kuqezi është i njohur për aktet e bujarisë.
Kur në vitin 2014 ishte trajner në Greqi, te Ofi I Kretës, pas dorëheqjes vendosi të paguante personalisht rrogat e lojtarëve (rreth 50 mijë euro), ndërsa në vitin 2019, kur i dha lamtumirën Milanit, refuzoi pagesën e largimit për të lejuar të gjithë pagesën e 24 muajve të stafit të tij.
Në Piza në periudhën dyvjeçare 2015-2017 bleu kuti me ujë për lojtarët e tij, ndërsa në Napoli, gjatë valës së parë të Covid-it, zgjodhi të hiqte dorë nga paga për të lejuar klubin të paguante stafin dhe punonjësit e magazinës. Tani edhe në Kroaci e njohin bujarinë e Rinos dhe në ditët në vijim çdo lojtar dhe staf do të marrë dhuratën e çmuar.