Ndeshja e basketbollit midis dy ekipeve kryeqytetase MZT dhe Çairi 2030 u luajt mbrëmë në një atmosferë të tensionuar.
Drejtuesit e KB Çairi 2030 para përfundimit të pjesës së parë kërkuan ndërprerjen e ndeshjes, për shkak të koreve fyese dhe urrejtëse albanofobe të tifozëve të MZT.
Nga ekipi i Çairit kërkuan ndërprerjen e ndeshjes dhe zbrazrjen e tribunave, por kjo kërkesë e tyre u refuzua nga arbitrat e ndeshjes dhe u kërkua vazhdimi i saj. Në fund kjo ndeshje e ligës së parë të basketbollit përfundoi me rezutatin 91:58 për MZT SHkupin.
Pas ndeshjes ka reaguar drejtori sportiv i klubi shqiptar, Alaudin Mustafa. Ai ka thënë se kështu është kur nuk të mbron askush. Ai ka përdorur një shprehje të vjetër se i forti edhe të rreh edhe s’të lë me qa.
“Kshtu esht kur nuk te mbron kerkush, dalin mediat Maqedoni edhe komplet situaten ta kthejn ka veti, A pom dhem ky fakt ? po shum um dhem, po sun e ndryshoj. I forti te jep dajak edhe nuk te len me kajt thojn”, deklaroi Mustafa.
Por kanë reaguar edhe nga klubi përmes një postimi në rrjetet sociale.
“Një ndeshje ku ekipi jonë ishte konkurent i barabartë per 2 qerekë me kampionin aktual Kk Mzt, qerekin e 3të dhe 4të kishte dominim total të kundërshtarit. Mirëpo ajo që shëmbi këtë derbi ishin thirjet e pandalshme dhe super nacionaliste të “tifozve” Family Aerodrom, ku përkrah gjithë atyre skandimeve nacionaliste nuk u pa e arsyshme të ndërpritet ndeshja ose të zbrazet tribina por ishim të kanosur me fyerje dhe tërheqje me forcë nga sigurimi i ndeshjes. E gjithë kjo nuk mjaftoi me kaq por vazhdoi me FAKE NEWS nga disa “portale” gjoja se na ishim dhunuesit. Vlenë të ceket se e gjithë ndeshja ka qenë e gjiruar në MTV3. Kjo ngjarje është vetëm motiv ekstra për të vazhduar rrugëtimin tonë drejt suksesit. Vazhdojmë fuqishëm”, kanë shkruar nga klubi.
KB Çairi 2030 është klub i vetëm shqiptarë që radhitet në vendin e katërt në Ligën e parë të basketbollit në Maqedoninë e Veriut. (INA)