Nënkryetari i Bashkimit Demokratik për Integrim, Arber Ademi tha sot në press konferencë se në vigjilje të vendimit të Gjykatës Kushtetuese për gjuhën shqipe, qytetarët do të bëjnë roje për gjuhën shqipe ditë e natë para kësaj gjykate dhe do ta mbrojnë gjuhën.
Ai tha se Fronti Europian do të mbrojë gjuhën shqipe përmes agjendës partiake, duke ftuar që pjesë e kësaj iniciativë të bëhen të gjithë qytetarët pa dallim të përkatësisë etnike apo fetare.
Ademi tha se çështja e gjuhës është komplekse për shqiptarët që janë popull shtetformues në RMV ndaj nuk duhet lejuar të preket në gjëra të tilla.