Sonte po zhvillohet nata finale në e Evrovizion 2025 në Bazel të Zvicrës.
Por, si duhet votuar? Pasi të ketë përfunduar performanca e të gjitha këngëve, secili vend do të japë dy grupe pikësh, respektivisht pikët nga juria prej pesë profesionistëve të industrisë muzikore, ndërsa tjetri vjen nga shikuesit.
Votoni për Shqipërinë – votoni numrin 26!
Të gjithë shqiptarët që jetojnë jashtë vendit mund të votojnë për këngën që përfaqëson Shqipërinë, kënga “Zjerm” nga Shkodra Elektronike, duke dërguar një SMS në numrin 54345, me kodin përkatës të këngës shqiptare.
Nga territori i Shqipërisë nuk është e mundur të votohet për përfaqësuesen shqiptare. Votimi mund të bëhet përmes telefonit, SMS, ose online me pagesë në faqen zyrtare: esc.vote
Pasi dritarja e votimit të mbyllet, zëdhënësi i vendeve pjesëmarrëse do të zbulojë pikët e jurisë në transmetim. Më pas mblidhen pikët e shikuesve nga të gjitha vendet pjesëmarrëse dhe zbulohen nga më e ulëta tek ajo më e larta Kjo çon në rezultatin, i cili do të zbulojë fituesin e kontestit të 68-të.
