Aleanca për Shqiptarët, pjesë e Frontit Europian për nesër ka caktuar konferencë për shtyp te “Monopolit” në Tetovë, përcjell TV21. TV21 mëson se konferenca mbahet pas njoftimeve që sekretari i përgjithshëm të BDI-së, Faton Ahmeti bëri në rrjetet sociale, ku shkroi se në këtë lokacion kreu i Tetovë, Bilall Kasami ka shitur tokë për 70 denarë për m².
“Të nderuar. Nesër (e dielë) me fillim në ora 12:00, Aleanca për Shqiptarët do të mbajë konferencë për media para hyrjes së objektit të “Tetova Tabak” (Monopolit) në Tetovë”, thuhet në njoftimin e ASH-Sela.
“7000m² në qendër të Tetovës (MONOPOLI) për vetëm 70 denarë për m² e shitur nga kryetari i Komunës, Bilall Kasami! Kaq vlen qyteti për ata që duhet ta mbrojnë?! Kjo nuk është as gabim, as neglizhencë – është vjedhje e pastër e pasurisë publike! Tetova nuk është plaçkë për pazare të ulëta! Përgjegjësi!”, shkroi Ahmeti.