Zëvendëskryeministri i Kosovës, Besnik Bislimi ka deklaruar se gjatë zgjedhjeve ka pasur kërcënim të drejtëpërdrejtë të sigurisë. Ai ka komentuar lidhur me sulmet në faqen e internetit të Komisionit Qendror të Zgjedhjeve para takimit në Varshavë, në nivel të ministrave për çështje evropiane, organizuar nga Presidenca e Polonisë e Këshillit të BE-së.
“Ne patëm zgjedhjet javën e kaluar dhe përjetuam drejtpërdrejt këtë formë të kërcënimeve të sigurisë për sa i përket sulmeve në faqen e internetit të Komisionit Qendror të Zgjedhjeve por edhe në frekuencë shumë të sofistikuar të dhe intensive të shpërndarjes dhe prodhimit të informacioneve të rreme shumë të sofistikuar për sa i përket çështjeve dhe kohës së përzgjedhur”.
Zëvendëskryeministri i Kosovës, Besnik Bislimi, po qëndron në Varshavës, në kuadër të “Takimeve Informale të Ministrave për Çështje të Bashkimit Evropian”.
Gjatë zhvillimit ditor të organizuar nga Presidenca polake e Këshillit të BE-së, zëvendëskryeministri Bislimi do të ketë edhe një sërë takimesh bilaterale me shtete aleate, mike e partnere./abcnews.al