“Gjuha shqipe është zyrtare në bazë të kushtetutës, por e njëjta cungohet në bazë të ligjit për përdorimin e sajë” – kështu vlerësoi profesori universitar Mersim Maksuti, në një panel diskutimi me temë “Sa është zyrtare gjuha shqipe!?”.
“Kushtetuta në mënyrë të qartë e përcakton se gjuhët zyrtare në Maqedoni është gjuha maqedonase dhe alfabeti cirilik i sajë edhe gjuha e qytetarëve që e flasin 20 % me alfabetin shkrimin e sajë, kjo tregon qartë se gjuha shqipe ka status zyrtarë dhe ne duhet ta dimë këtë dilemë saktë, por cila është çështja këtu, se gjuha shqipe pra gjuha që e flasin 20% të qytetarëve këtu nuk ka trajtim të njëjtë me gjuhën maqedonase dhe kjo me një mënyrë paraqitet në formë të kushtëzuar”, tha Mersim Maksuti, jurist.
Ish politikani Muhamet Halili thotë se gjuha shqipe është gjuhë zyrtare e limituar.
“Ata të cilët kanë qenë të lidhur me politikën dhe kanë dashur të tregojnë politikat e tyre të suksesshme, ata gjithnjë kanë thënë se gjuha shqipe është gjuhë zyrtare, që nuk është e vërtet fare. Gjuha shqipe është gjuhë zyrtare e limituar”, tha Muhamet Halili, analist.
Po çka nëse Gjykata Kushtetuese vendos për shfuqizimin e disa dispozitave për gjuhën shqipe?
“Ato do të jenë dispozitat kryesore të ligjit, do të kufizohet e drejta e përdorimit në procedura gjyqësore, do të kufizohet e drejta gjuhës shqipe në komunikimin zyrtar të zyrtarëve të këtij shteti. Do të hiqet përdorimi në uniforma , madje është paralajmëruar edhe heqja e fjalës shqipe e vetmja fjalë që ekziston në ligjin e gjuhëve atë në kllapa si gjuha e 20%, gjuha shqipe. Është paralajmëruar se edhe kjo do të hiqet dhe kjo drejtpërdrejtë bën atak në identitetin tonë nacional”, shtoi Maksuti.
“Me një situatë kur nuk kemi zbatim të atij segmenti atëherë nuk kemi çka dëmtojmë, dhe vet propozuesi kur i drejtohet komisionit të Venedikut i drejtohet të jep mendim, ja ka qëlluar apo jo se vet komisioni ka pas dyshim, dhe vet ish zv/kryeministri atëherë ka dilema edhe kur i drejtohet komisionit i drejtohet që ata të vlerësojnë se a ja kanë qëlluar ose jo, është fjala për përdorimin e gjuhës në bankënota. Deri tash ne nuk e kemi zbatuar fare këtë dhe komisioni Venedikut ka mendim negativ”, tha Muhamet Halili.
Ndryshe Gjykata kushtetuese ka paralajmëruar seancë për shfuqizimin e disa neneve nga ligji i gjuhës shqipe.