Tetovë, 14 korrik 2025 – Gazetari dhe administratori i portalit Top24.mk, Ylber Jahiu, ka reaguar publikisht ndaj një vendimi të fundit të marrë nga kryetari i Komunës së Tetovës, Bilall Kasami.
Në një postim në rrjetet sociale, Jahiu shkruan:
“Sot kryetari i komunës me urdhëresë më ka ndërruar vendin e punës dhe si vend të përshtatshëm për mua është caktuar Infoqendra.”
Ai thekson se kjo nuk është hera e parë që ndjen trysni për shkak të angazhimit të tij mediatik, duke përmendur edhe një video më herët që kishte qarkulluar si formë presioni.
“Faleminderit Bilall Kasami për këtë qasje ndaj meje. Trysnia nuk do ta ndalë fjalën e lirë të medias,” përfundon Jahiu.
Ky veprim ngre sërish pyetje rreth lirisë së shprehjes dhe presionit mbi gazetarët në institucionet publike, sidomos kur bëhet fjalë për persona të përfshirë edhe në media kritike ndaj pushtetit lokal.