Në Big Brother VIP Kosova, e enjtja u shndërrua në mbrëmjen më të fortë emocionale të këtij sezoni. Dolce-s iu komunikua se familja kërkonte largimin e saj nga shtëpia për shkak të një çështjeje gjyqësore — një lajm që tronditi banorët dhe që u pranua menjëherë si i vërtetë.
Por në fakt, gjithçka ishte një skenar i ndërtuar me kujdes nga produksioni.
Ky “largim” ishte vetëm një arsye e fabrikuar, për të mos lejuar që banorët të kuptonin surprizën e madhe: Dolce do të udhëtonte drejt Italisë për të jetuar për disa ditë në shtëpinë e Grande Fratello.
Në shtëpi, askush nuk dyshoi. Madje as Edi, lidhja e saj e krijuar brenda lojës, i cili shpërtheu në lot sapo dëgjoi lajmin e rëndë. Lotë paniku, lotë zhgënjimi — të gjitha para se publiku të mësonte të vërtetën.
Dolce u “eleminua” nga shtëpia në mënyrë zyrtare dhe u dërgua drejt Prime-it, ku priste të takonte familjarët si pjesë e misionit të përmbushur. Por në studio, ajo mori lajmin e vërtetë: nuk ishte një dalje… por një biletë ekskluzive për të hyrë në një nga skenat më të mëdha televizive të Evropës.
Të dielën, Dolce do të nis udhëtimin drejt Italisë- dhe Big Brother VIP Kosova sapo mori kthesën më të papritur të këtij edicioni.