Avokatja Ariel Mitchell Kidd , e cila përfaqëson një nga viktimat e Diddy , pretendon se është e informuar për ekzistencën e tre kasetave me përmbajtje seksuale me producentin e muzikës.
Siç thotë ajo për “NeësNation”, në këto rregjistrime shfaqen tre personalitete të famshme por nuk preferoi të zbulonte indetitetet e tyre.
“Njerëzit që më kontaktuan pohuan se ekzistonin tre kaseta të ndryshëm me tre njerëz të famshëm, përfshirë Diddy,” tha avokatja.
Ajo madje shtoi se të tre personat janë shumë të famshëm. Avokatja pranoi se nuk i ka parë filmat, dhe as ndonjë “screenshot” të tyre, për të konfirmuar me siguri se ato ekzistojnë.
“Nuk mund të konfirmoj nëse ekzistojnë apo jo. Burimet më thanë se e zotërojnë këtë “thesar”, kështu që mendoj se ka shumë të famshëm që janë të vetëdijshëm për atë që kanë bërë,” theksoi sërish ajo.
Mitchell-Kidd ishte avokati i ish-modeles Adria English, e cila paditi Combs për promovimin e prostitucionit në korrik, duke pretenduar se reperi dikur e detyroi atë të bënte seks me argjendari të famshëm Jacob Arabov. Megjithatë, avokatja hoqi dorë nga rasti i saj kohët e fundit, duke përmendur “ndryshime të papajtueshme në partneritetin e tyre”.
Pretendimet e avokatit se kishte shumë kaseta seksuale me Combs u konfirmuan nga një oficer i Departamentit të Sigurisë Kombëtare, i cili mori pjesë në bastisjet e policisë në shtëpinë e Diddy, menjëherë pasi ai u akuzua për trafik seksual, zhvatje dhe promovim prostitucioni.
“Në pamjet që kemi marrë ka shumë emra të njohur, por nuk do të konfirmoj asnjë prej tyre. Është diçka shumë më tepër se kaq” , kishte thënë ai.