DASH-i konfirmon: Kosova kërkon 246 raketa për 75 milionë dollarë!

Departamenti Amerikan i Shtetit ka pranuar një shitje të mundshme të 246 raketave Javelin në Kosovë, e vlera e tyre pritet të jetë rreth 75 milionë dollarë.

Pentagoni ka njoftuar në uebfaqen e vet se kontraktorët kryesore të kësaj marrëveshjeje janë Javelin Joint Veture nëpërmjet Lockheed Martin dhe Raytheon Missiles and Defense. Kjo do t’i dërgohet Kongresit Amerikan që pritet të çojë tutje kërkesën e institucioneve të Kosovës.
Sipas deklaratës zyrtare, shitja e armëve në Kosovë “mbështet qëllimet e politikës së jashtme dhe sigurinë kombëtare të Shteteve të Bashkuara të Amerikës duke përmirësuar sigurinë e një partneri evropian, që është forcë e rëndësishme për stabilitet politik e ekonomik në Evropë”.

Në deklaratë, Pentagoni ka vlerësuar se Kosova s’do ta ketë të vështirë t’i përshtatë pajisjet për nevojat e forcave të veta.

SHBA-ja po ashtu ka thënë se shitja e këtyre pajisjeve nuk ndryshon bilancin ushtarak në rajon.

Ministri i Mbrojtjes, Ejup Maqedonci më herët gjatë ditës ka thënë se pret përgjigje pozitive nga SHBA-ja.

“Mund të konfirmoj që është pranuar kërkesa e Republikës së Kosovës për blerjen e sistemeve raketore anti-tank ‘Javelin’. Dihet se kjo kërkesë do të dërgohet nga DASH-i për aprovim në Kongres dhe ne presim përgjigje pozitive në aspektin e aprovimit nga Kongresi, sidomos duke pasur parasysh që SHBA-ja është përkrahëse kryesore e tranzicionit të FSK-së dhe zhvillimit të kapaciteteve mbrojtëse”, ka thënë ai në emisionin “60 Minuta” në KTV, duke shtuar se në planin e tranzicionit ka qenë i përfshirë edhe sistemi “Javelin”.
Maqedonci ka thënë se Kosova bën blerje të armëve nga SHBA-ja nëpërmjet marrëveshjes direkte shtet-shtet. Ai ka theksuar se shpreson që Kosova të vazhdojë blerje të tjera nga SHBA-ja dhe shtetet partnere. Sipas tij, të gjitha sistemet që blihen për FSK-në janë me standarde të NATO-s. koha.net

lajmet e fundit

Ahmeti pret ambasadoren norvegjeze, konfirmon angazhimin e Poll Villiams mbi platformën e legjitimitetit

Kryetari i Bashkimit Demokratik për Integrim, z. Ali Ahmeti, ka takuar Ambasadoren e Norvegjisë në Maqedoninë e veriut, zonjën Kristin Melsom. Bashkëbiseduesit këmbyen opinione mbi...

KE-ja ka publikuar Raportin për sundimin e ligjit në BE, për herë të parë përfshihen edhe vendet nga procesi i zgjerimit

Vendet anëtare të BE-së në përgjithësi janë shumë më të përgatitura për të detektuar, parandaluar dhe trajtuar sfidat e reja që lidhen me sundimin...

”Do hamë ushqim të mirë”; Bebe Rexha për herë të parë në Kosovë: Do iki dhe në Dibër, kemi një syneti

Për herë të parë, Bebe Rexha ndodhet në Kosovë, pasi do të marrë pjesë në “Sunny Hill Festival 2024”. Këngëtarja shqiptare me famë botërore...

Një person nga Manastirit për 4 muaj me rradhë ka përdhunuar dhe shantazhuar një vajzë 18-vjeçare

Prokuroria Themelore Publike në Manastir ka nisur një procedurë kundër një 25-vjeçari i dyshuar për veprën penale – Sulm seksual dhe përdhunim nga neni...

​Rrëzohet avioni në Nepal, 18 të vdekur

18 trupa të pasagjerëve dhe ekuipazhit janë gjetur pas rrëzimit të një avioni të mërkurën në Nepal. Kapiteni MR Shakya i aeroplanit të Saurya Airlines...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu