Ish-emisari special i Shteteve të Bashkuara të Amerikës në Kosovë, Christopher Hill, do të dëshmojë të hënën në Gjykatën Speciale të Hagës.
Siç ka mësuar KOHA, Hilli do të jetë dëshmitar i mbrojtjes së Hashim Thaçit.
Seanca ku pritet të nisë dëshminë Hilli, do të fillojë në orën 14:00.
Hill luajti një nga rolet kryesore në negociatat që i paraprinë konferencës në Rambuje në vitin 1999.
Ai ishte i përfshirë në negociatat me Ushtrinë Çlirimtare të Kosovës dhe mori pjesë në përpjekjet diplomatike rreth Marrëveshjes së Rambujesë.