“Bota serbe në veprim”: Reagime të shumta pasi Dodik i Bosnjës dhe Mandiç i Malit të Zi u panë afër Vuçiçit gjatë zgjedhjeve në Serbi!

Një fotografi që po qarkullon në mediat sociale, bashkë me presidentin e Serbisë, Aleksandar Vuçiq, në selinë e partisë SNS janë parë edhe kryetari i Kuvendit të Malit të Zi, Andrija Mandiq, ministri i Sigurisë së Bosnjë dhe Hercegovinës, Nenad Neshiq dhe presidenti i Republikës Srpska, Milorad Dodik.

Dhe këto pamje kanë nxitur reagime të shumta në rrjetet sociale, njëri nga të cilët ka ardhur nga portali Istraga.ba, përcjell Telegrafi.

“’Bota serbe’ në veprim. Fjalimi i fitores i presidentit të Serbisë në selinë e SNS-së ku morën pjesë – presidenti i Kuvendit të Malit të Zi, Andrija Mandiq, ministri i Sigurisë së Bosnjë dhe Hercegovinës, Nenad Neshiq dhe presidenti i Republikës Srpska, Milorad Dodik”, shkruan në përshkrimin e një fotografie të publikuar nga ky portal në X (ish-Twitter).
Veç këtij portali, lidhur me këto pamje ka shkruar edhe mediumi boshnjak, Klix.ba, përcjell Telegrafi.
Siç vë në pah mediumi në fjalë, Dodik ka votuar në Banja Lluka për zgjedhjet e jashtëzakonshme parlamentare në Serbi.

Megjithatë, sipas këtij mediumi, vota e tij nuk mund të kalonte pa shkelur rregullat zgjedhore.

Incident tjetër, pasi opozita shkoi për të parë se “çfarë po bën partia e Vuçiqit me votuesit nga vendet fqinje” që votojnë në Beograd

Dodik mori fletën e votimit dhe e rrethoi para anëtarëve të komisionit zgjedhor dhe gazetarëve në mënyrë që të gjithë të shihnin se kujt “ia kishte besuar”.

Ndërkohë një fotografi “që rrugën që ka zgjedhur Vuçiqi” është publikuar edhe nga analisti boshnjak Jasmin Mujanoviq.

“Festa e vampirëve në selinë e SNS. A. Vulin, shefi i inteligjencës serbe i rrëzuar së fundmi, i sanksionuar nga SHBA për lidhjet me Moskën. Zyrtarët amerikanë vazhdojnë të fantazojnë se si po e nxjerrin Vuçiqin nga orbita e Rusisë… Kjo është fytyra e tij e vërtetë”, ka shkruar Mujanoviq në përshkrimin e një fotografie të publikuar në X (ish-Twitter).

Ndryshe, Serbia ka mbajtur të dielën zgjedhjet e jashtëzakonshme parlamentare dhe lokale.

Pjesëmarrja në zgjedhjet parlamentare ishte 57.65 për qind./Telegrafi

REKLAMË

REKLAMË

lajmet e fundit

Ish-policit Arbnor Spahiu i vazhdohet paraburgimi edhe për tre muaj në Serbi – familja kërkon ndihmë financiare

Serbia i ka caktuar edhe tre muaj paraburgim ish-policit të Njësisë Speciale të Kosovës, Arbnor Spahiut. Bashkëshortja e tij, Arieta Spahiu e cila e kishte...

Përplasje në VLEN, Arben Fetahu kërkon nga Azir Aliu ta “shajë” Ali Ahmetin, ai nuk pranon?!

Nuk bëhen rahat në VLEN, portali TS ka mësuar nga burime të besueshme brenda VLEN-it se ka një përplasje të madhe mes Arben Fetahut...

Lëvizja Arbëria drejt finalizimit të marrëveshjes me VLEN-in për zgjedhjet lokale

Lëvizja Arbëria po hyn në fazën përmbyllëse të arritjes së një marrëveshjeje bashkëpunimi me koalicionin VLEN për zgjedhjet lokale të tetorit. Ky hap është fryt...

Furkan Saliu shpërthen ndaj Kasamit: “Po dukesh si kryetar i degës së VMRO-së në Tetovë”

Furkan Saliu kritikon Kasamin: “Po hyni në grackën e Mickoskit, pasojat do të jenë të dhimbshme” Gazetari Furkan Saliu ka reaguar pas deklaratës së kryetarit...

Trump po shqyrton sulme ushtarake kundër karteleve të drogës në Venezuelë

Ideja është që ky veprim të mund të dobësojë kontrollin e Maduros mbi pushtetin dhe potencialisht ta detyrojë të largohet, por pa hyrë në...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu