Një skandal politik trondit radhët e Koalicionit VLEN!
Në intervistën e dhënë sot për Alsat M, kryetari i Lëvizjes BESA dhe një nga liderët e VLEN-it, Bilall Kasami, deklaroi hapur se nuk e përkrah dhe nuk e mbështet kandidatin e tyre, Haqim Ramadanin, në garën për Komunën e Bërvenicës.
Deklarata e Kasamit ka shkaktuar tronditje, pasi Ramadani është kandidat zyrtar i VLEN-it, i cili po garon për të përfaqësuar interesat shqiptare në një komunë me shumicë maqedonase.
Por në vend që ta mbështesë kandidatin e vet, Kasami zgjodhi të distancohet publikisht, duke treguar se VLEN nuk guxon të lëvizë asnjë hap pa lejen e Mickoskit dhe VMRO-DPMNE-së.
Ky veprim demaskon plotësisht gjendjen brenda koalicionit – një strukturë e komanduar dhe e kontrolluar politikisht nga VMRO, ku liderët shqiptarë janë bërë vasalë që zbatojnë urdhrat e Mickoskit.
Në një kohë kur pritet që shqiptarët të mbështesin kandidatin e tyre, Bilall Kasami e kthen shpinën vetë kandidatit të VLEN-it, duke dëshmuar se nënshtrimi ndaj VMRO-së është më i fortë se çdo parim politik apo kombëtar.