Big Mama është parë e emocionuar dhe me lot në sy gjatë ceremonisë së homazheve për këngëtarin Shpat Kasapi, i cili u nda nga jeta në mënyrë të papritur në moshën 40-vjeçare. E veshur me të zeza, ajo priti ngushëllimet e të pranishmëve, duke mbajtur në dorë një shami dhe duke shprehur dhimbjen për humbjen e mikut të saj të ngushtë.
Ajo mbante edhe një fotografi bardh e zi të Shpat Kasapit, si shenjë kujtimi dhe respekti, duke treguar se ai do të mbetet gjithmonë në zemrën e saj.
Humbja e këngëtarit ka prekur thellë komunitetin artistik. Big Mama tha se lajmi ishte i pabesueshëm për të dhe kujtoi miqësinë e gjatë me Shpatin, e cila daton që nga viti 1997. Ajo zbuloi se kërkesa e fundit e tij, vetëm pak ditë para ndarjes nga jeta, ishte që të këndonin së bashku këngën “Sajzeza”.