Bedri Hamza është zgjedhur kryetar i Partisë Demokratike të Kosovës. Pas marrjes së detyrës, ai e ka cilësuar postin e ri si “një nder të jashtëzakonshëm dhe një përgjegjësi të madhe”.
Hamza ka premtuar se do t’i shërbejë vendit me përkushtim dhe vendosmëri, duke theksuar se PDK-ja po hyn në një etapë të re të angazhimit politik.
“Bashkë për qytetarët dhe Kosovën. Bashkë për PDK-në dhe fitoret që po vijnë”, ka deklaruar ai.
Zgjedhja e Hamzës shihet si një hap drejt konsolidimit të partisë dhe rikthimit të saj në garat e ardhshme politike.