Mbrëmë, në Big Brother VIP Kosova, u bë pjesë një emër që solli menjëherë kureshtje dhe vëmendje. Bëhet fjalë për Ludo Lee, hairstylistin që ka punuar me disa nga yjet më të mëdhenj të showbiz-it botëror.
Gjatë bisedave të para në shtëpi, Ludo Lee ndau detaje interesante nga përvojat e tij me familjen më të famshme në botë. Sipas tij, Kylie Jenner është shumë ndryshe nga ajo që publiku sheh zakonisht.
“Kylie Jenner nuk ka vetëbesim në publik,” u shpreh ai, duke shtuar se motra e saj, Kendall Jenner, është krejtësisht e kundërta, më e sigurt dhe shumë e fortë në paraqitjet publike.
Ndërsa për Kim Kardashian, banori i ri theksoi fuqinë e jashtëzakonshme që ajo transmeton kudo që shfaqet. “Energjia e saj është fuqi. Kur vjen ajo, dridhet vendi,” tha ai, duke nënvizuar prezencën dominuese të Kim-it.
Sipas Ludo Lee, familja Kardashian ka një influencë të madhe dhe vazhdon të mbetet një nga emrat më të fuqishëm në botën e famës dhe të showbiz-it.