Ish missi i Maqedonisë nga Kriva Pallanka afër Kumanovës, Julijana Gjorgjievska (fitoi edhe titullin Miss Euroazia në vitin 2024 në Itali), tani është fermere dhe me familjen e saj posedojnë mbi 500 krerë lopë.
Dje pasdite ajo dhe familjarët janë përplasur me policinë, e cila ka intervenuar në bazë të ankesave të bashkëfshatarëve se lopët e familjes Gjorgjievski ua dëmtojnë të mbjellat vjeshtore dhe se u kanë ngrënë mbi 40 tonelata lakra. Policia ka ka konfiskuar mbi 500 lopë, por Julijana dhe familjarët e san kanë zhvilluar një “luftë” të vërtetë me ta, siç mund ta shihni edhe te video në fund të tekstit, shkruan lideri.mk.
Julijana është liruar, kurse Prokuroria e Kumanovës ka njoftuar se në fund vetëm babai i Julijanes, tani ish-pronari i më shumë se 500 lopëve u arrestuar në Kriva Pallankë, pasi u rezistoi oficerëve të policisë dhe inspektorëve të Agjencisë së Ushqimit dhe Veterinarisë që erdhën për të sekuestruar kafshët.
Pas një rezistence të shkurtër, burri u transferua në stacionin e policisë në Kriva Pallankë.
Prokuroria Themelore Publike e Kumanovës konfirmoi se është hapur një çështje dhe do të trajtohet me procedurë të përshpejtuar. Çështja do të shqyrtohet nesër, kur prokuroria të marrë raportin zyrtar nga policia.
Rastësisht, javën e kaluar, vendasit protestuan për shkak të dëmeve të shkaktuara nga lopët dhe për shkak të kërcënimeve që pësuan nga ish-pronari dhe vajzat e tij pas paraqitjes së raporteve.
Fermerët po numërojnë dëmet e fundit të shkaktuara nga kopetë e lopëve në të mbjellat e tyre. Ata thonë se në një sezon bujqësor, qindra tonelata produkte bujqësore u shkatërruan në zonat e fshatrave të Kriva Pallankës./Lideri