Drejtori në largim i Drejtorisë së Doganave, Garip Kaba përmes një shkrimi në rrjetet sociale ka njoftuar se i janë arrestuar dy djemt e tij. Kaba thotë se ata janë arrestuar për, siç shkruan ai, gjoja kërcënim ndaj Salim Sulejmanit.
“Sonte sapo u informova se policia ka arrestuar djalin tim, Landin, dhe djalin tjetër Bardhokun mbi bazën e një shpifjeje për gjoja kërcënim ndaj ish-deputetit dhe “ambasadorit të ardhshëm”Salim Sulejmanit. Asnjëherë nuk e kam menduar se me shpifje dhe shantazhe do të përpiqen të ushtrojnë presione të tilla. Shpresoj që kjo të jetë një gabim dhe e vërteta të dalë në sipërfaqe.Shpifja dhe kërcënimi nuk janë pjesë e kulturës së familjes sime, por as e kulturës së shqiptarëve të vërtetë. Kam duruar shumë vite dhe asnjë regjim nuk më ka thyer!
Hoxha i “ngujuar”nga Malet e Sharrit është mirë të thirret në ndërgjegjen e vet dhe ta vazhdon misionin e tij por jo me keto lojra të pista”, ka shkruar Kaba.