Gjatë fjalimit të tij në tubimin e AKI në Vrapçisht, Arben Taravari ka goditur përsëri për pafuqinë e VLEN-it në qeveri, madje ai tha se shumica e ministrave shqiptar të VLEN-it janë kuklla në Qeveri, njofton TS.
“Kur i kemi shumicën e ministrave kukulla në qeveri, ashtu siç i kemi plot zëvendësministra që mund edhe të mos shkojnë fare në punë, dhe madje u thuhet: ‘Mos hajdeni në punë, rri në shtëpi, merr rrogën, bëj qejf’,por kjo s’duhet të lejohet”, tha Taravari.
Ai akuzoi partinë në pushtet VLEN për premtime të rreme ndaj kandidatit aktual për në Vrapçisht, Memet Seferin, njejtë sikura edhe kandidatin për komunën e Gostivarit Sebeadin Dauti.
“Edhe atë e kanë gënjyer, ashtu si në Gostivar – siç e gënjyen Sebeadinin për Këshillin Gjyqësor: i thanë ‘shkon te Selimi’ ose ‘në Gjykatën Kushtetuese’. Visarit i premtuan ambasador në Romë. Edhe Memetit i kanë premtuar ose Këshillin Gjyqësor, ose Gjykatën Kushtetuese. Prandaj ka dalë dhe po bëhet kurban këtu,” shtoi ai.
Në fund të fjalës së tij, Taravari vlerësoi lart punën e kryetarëve aktualë shqiptarë në komunat rurale.
“Erkan Arifi edhe Isen Shabani, të paktën kështu janë perceptimet, janë dy prej kryetarëve më të suksesshëm të komunave rurale shqiptare.”, tha Taravari./TS