Anija mban 10.460 tenda, 14.350 batanije, 20 tualete portative dhe njësi dushi, dhe 300 gjeneratorë, në total 871 tonë ndihma humanitare.
Anija e 14-të e ndihmave humanitare e dërguar nga Turqia ka arritur në Gaza, njoftoi agjencia turke e fatkeqësive, transmeton Anadolu.
Kamionët e ndihmës nga Autoriteti i Menaxhimit të Fatkeqësive dhe Emergjencave (AFAD) “të ngarkuar me tenda dhe batanije po hyjnë aktualisht në Gaza përmes portës kufitare Rafah”, tha agjencia në X.
“Me fuqinë e shtetit tonë dhe mbështetjen e kombit tonë, ne qëndrojmë me Palestinën”, thuhet në deklaratë.
“Për të shëruar plagët e vëllezërve dhe motrave tona nga Gaza dhe për të përmbushur nevojat e tyre për strehim të përkohshëm, ne kemi nisur ‘Anijen e Mirësisë’”, tha më parë Ministri i Brendshëm Ali Yerlikaya në X.
Anija mban 10.460 tenda, 14.350 batanije, 20 tualete portative dhe njësi dushi, dhe 300 gjeneratorë, në total 871 tonë ndihma humanitare, vuri në dukje ai.
Duke theksuar angazhimin e Ankarasë për të ndihmuar ata që kanë nevojë, ai tha se “Si në të kaluarën, edhe sot ne vazhdojmë të qëndrojmë pranë të shtypurve”, duke shtuar se do të vazhdojnë t’u shtrijnë dorën e ndihmës atyre në nevojë.
Dërgesa pasqyron mbështetjen e vazhdueshme të Turqise për palestinezët dhe përpjekjet për të lehtësuar krizën humanitare në Gaza, e cila u shkatërrua nga sulmet izraelite.