Qendra për Menaxhim me Kriza ka bërë një hap të rëndësishëm drejt fuqizimit të stafit profesional, duke mirëpritur 10 kuadro të rinj shqiptarë që do t’i bashkohen ekipit të saj. Lajmin e bëri të ditur drejtori i QMK-së, Muhamed Ali, i cili nënvizoi se me këto punësime po realizohen premtimet për përfaqësim të drejtë dhe mundësi të barabarta për të gjithë.
“Me kënaqësi të veçantë nënshkrova dhe dorëzova kontratat e punës për 10 profesionistë të rinj që do të jenë pjesë e ekipit të QMK-së. Me këtë hap, Vlen po i realizon premtimet e veta duke ndërmarrë veprime konkrete për përfaqësim të drejtë dhe mundësi reale për të gjithë”, shkroi Ali në Facebook.