Deputeti i VMRO-DPMNE-së, Igor Zdravkovski, gjatë natës së mbrëmshme ka organizuar protesta kundër hapjes së paraleles shqipe në Komunën e Çashkës. Gjatë një fjalimi para të pranishmëve ai ka akuzuar drejtorin e inspektoratit për arsim, Halit Ferati, nga radhët e ASH-së se po rrëmben territore dhe planifikon të shqiptarizojë Çashkën.
Reagimi i Feratit ka qënë i shpejt duke ju drejtuar banorëve të kësaj zone me sqarimin se kjo që po bëjnë deputetët e kësaj partie është shum e ulët dhe nuk kontribon në bashkjetesën e komuniteteve në këtë zone.
Reagimi i plotë i Halit Feratit:
Të dashur bashkëqytetarë!
Në Komunën e Çashkës me rrethinë, bashkëjetesë ka pasë dhe do të ketë.
Pas shpifjeve të një deputeti, i cili te qytetarët e Velesit njihet si Igraorecot, ish mësues i ciklit të ulët, i cili në vend që të jetë shembull për rrethin e Velesit dhe Çashkës, të ndihmojë në përparimin e të gjithë qytetarëve pa dallim feje e kombi, pasi ai pagohet nga tatimi i të gjithë qytetarëve, ai mban fjalim me gjuhën e urrejtjes për prishjen e rendit dhe qetësisë, fjalim me shprehje shovene, fjalim në baza etnike dhe përdor fjalë të pahijshme, fjalë që nuk i përdorin as qytetarët e thjeshtë të cilët nuk kanë arsim elementar. Për të gjitha shpifjet, të gjitha të pavërtetat dhe fyerjet në bazë nacionale dhe gjuhës së urrejtjes, prishjes së rendit dhe qetësisë e bashkëjetesës në rrethin tonë, si dhe fyerjet dhe të pavërtetat që i ka thënë për emrin dhe mbiemrin tim e që nuk ngjajnë për nivelin e një deputeti, do të ngritet aktpadi private.