Lideri Ali Ahmeti, së bashku me kandidatin për kryetar komune të AKI-së, Bajram Rexhepi, zhvilluan një takim në shtabin e partisë në Reçicë të Madhe.
Gjatë fjalës së tij, Ahmeti theksoi rëndësinë e investimeve për ruajtjen e dinjitetit dhe krenarisë së shqiptarëve gjatë 25 viteve të fundit.
“Për 25 vjet kemi investuar maksimum që dinjitetin dhe krenarinë t’ia ruajmë popullit. Ju të gjithë jeni hisetarë të gjithë atyre arritjeve që janë bërë për ne këtu në Maqedoni, duke filluar prej Universitetit të Tetovës e deri te Kryeministri i parë shqiptar,” tha Ahmeti, njofton TS.
Ai gjithashtu shtoi “E gjetëm me zero, e lamë me kryeministër. Nuk më shkonte mendja që do të na devalvojnë kaq shumë.”
Takimi shërbeu si një mundësi për të diskutuar me qytetarët lokalë mbi projektet dhe sfidat për zhvillimin e komunës dhe për angazhimin e përbashkët për të ardhmen e Tetovës