Bahri Cani
Nuk e di a e dini çka është “trapazani”?! U kërkoj falje këtyre më të moshuarve, por trapazani është diku te dera e odës, ku zakonisht i ulëshin dikur fëmijët, për të dëgjuar burrat se çka flisnin te oxhaku.
E kur donin të flisnin diçka ata te “trapazani”, zakonisht u thoshin: Mshile more ti, se ti nuk din! Nuk e di pse mu kujtua kjo sentencë nga fëmijëria kur shikova këtë foton me Vuçiqin në Kremlin. E paskan ulur diçysh si larg, në rend të fundit.
Gazeta “Danas” duke cituar disa burime të veta, po shkruan për “poshtrimin e Vuçiqit në Moskë nga Putini, ndërkohë që Trumpi se priti hiç”!
Gazeta shkruan se Vuçiqi për këtë “trapazanin” atje ka rrezikuar seriozisht raportet me BE dhe Perëndimin. Por dyshohet se sherri i tij brenda Serbisë dhe në raport me vendet fqinje mund të jetë i madh.