Kurrë nuk do të pranoja të jem kryeministër “kukëll” aq më pak i një partie tjetër. Kështu ka dklaruar lideri i Aleancës për Shqiptarët (ASH), Arben Taravari.
I pari i ASH-së, tha se kur ti fitojë zgjedhjet me partinë e tij, do të bëhet kryeministër
“Kur ti fitojë partia ime zgjedhjet, atëherë mund të mendohem për kryeministër. Me propozim të një partie tjetër nuk do ta kisha pranuar asnjëher pozicionin e kryeministrit, një kryeministër kukull për 100 ditë, kurrë”, deklaroi Arben Taravari, kryetar i ASH-së në “Tema e ditës” sonte në lajmet e televizionit Sitel.
Kreu i ASH-së e demantoi menjëherë informacionin i cili ditë më parë doli në media se ai ka pasur propozim nga Ali Ahmeti për kryeministër në 100 ditët e fundit të kësaj Qeverie.
Ndryshe, dy anketa e fundit e realizuar nga Institutit për Hulumtime Politike dhe Qeverisje të Mirë në Shkup dhe Europe Elect, tregojnë edhe një herë Aleanca për Shqiptarët (ASH), vazhdon të marr mbështetje të fuqishme te elektorati, duke iua afruar shumë pranë BDI-së, kurse kryetari i partisë Arben Taravari poashtu qendron shumë pranë me rejting atij të BDI-së, Ali Ahmeti.
Nëse analizojmë këto anketa, zgjedhjet e ardhshme parlametare te shqiptarët do të zhvillohen mes BDI-së dhe ASH-së (nëse kjo e fundit delë e vetme dhe pa lista me BDI-në), gjegjësisht për pozitën e parë dhe të dytë. Ndërsa, opozita shqiptare LD, AAA dhe BESA apo koalicioni “Lidhaj Evropiane për Ndryshim” nuk do përbëjnë ndonjë rrezik për dy partitë e para