Nisja e edicionit të pestë afrohet, ndërsa një postim i influencueses po lexohen si “paralajmërim”
Të shtunën nis edicioni i pestë i Big Brother VIP Albania, dhe bashkë me startin e sezonit po shtohen edhe zërat për kastin. Emra të ndryshëm po qarkullojnë si pjesë e mundshme e këtij edicioni, por përveç listave të përfolura, vëmendjen po e marrin edhe sinjale më të vogla – ato që zakonisht flasin më shumë se deklaratat.
Një prej tyre vjen nga Hati, një nga influencueset më virale shqiptare. Pa konfirmime zyrtare dhe pa fjali të drejtpërdrejta, ajo ka dhënë një sinjal indirekt që ka mjaftuar për të ndezur aludimet për pjesëmarrjen e saj në reality-n më të ndjekur në vend.
Me nisjen e sezonit tashmë në prag, mbetet të shihet nëse të shtunën Hati do të hapë derën e shtëpisë më të famshme në Shqipëri, apo nëse ky ishte thjesht një postim që i shtoi edhe më shumë mister garës. Në Big Brother, gjithmonë, surprizat janë pjesë e lojës.