Gashi “injoron” Mickoskin, Do të marrë pjesë në protestën për ish-krerët e UÇK-së në Shkup!

Protesta e radhës për ish-krerët e UÇK-së pritet të mbahet më 13 dhjetor në Shkup, si vazhdimësi e tubimeve që janë mbajtur në Prishtinë, Hagë, Tiranë dhe Strasburg. Deri tani, Afrim Gashi nuk është prononcuar publikisht, por brenda kabinetit të tij nuk është mohuar diçka e tillë. Madje, në disa prononcime nga zyrtarë të Alternativës është thënë se të gjitha lëvizjet dhe iniciativat për të mirën e popullit dhe çështjes kombëtare patjetër do të mbështeten nga udhëheqësit e këtij subjekti. Siç duket, kësaj radhe kryeparlamentari nuk do të prononcohet për të bërë bujë, por do të veprojë ashtu siç duhet të veprojë çdo shqiptar.