Sipas biografisë polake “Lewandowski. Prawdziwy” të Sebastian Staszewskit, të cituar edhe nga media të njohura si MARCA, Barcelona i ka kërkuar Robert Lewandowskit të ndalonte së shënuari në fund të sezonit 2022/23.
Raportohet se pasi klubi kishte siguruar titullin e La Ligës, drejtuesit i kërkuan sulmuesit polak të mos shënonte në dy ndeshjet e fundit, pasi arritja në 25 gola do të aktivizonte një bonus prej 2.5 milionë eurosh që Barça do t’ia paguante Bayern Munich-ut.
Thuhet se Lewandowski fillimisht u befasua nga kërkesa, por më vonë e kuptoi arsyen financiare. Ai e përfundoi sezonin me 23 gola, duke shmangur pagesën e bonusit, megjithëse luajti të dy ndeshjet e plota.