Në një aksion të përbashkët të Ministrisë së Punëve të Brendshme dhe Prokurorisë Themelore për Ndjekjen e Krimit të Organizuar, sot pas orës 13:00 është arrestuar Ilija Stoilev, ushtrues detyre i drejtorit të Agjencisë për Mbështetje Financiare në Bujqësi dhe Zhvillim Rural, i cili sipas burimeve është anëtar i VMRO-DPMNE-së.
Sipas informacioneve jozyrtare, Stoilev dyshohet për marrje ryshfeti nga një aplikant në këmbim të ndërmarrjes së një kontrate për mbështetje financiare përmes programit IPARD.
Marrja e ryshfetit është konstatuar me ndihmën e parave të shënuara, të cilat janë përdorur gjatë aksionit për të dokumentuar veprën.
Hetimet po vazhdojnë për zbardhjen e plotë të rastit.