Ramis Aliu: “Një zë i fuqishëm i popullit u dëgjua – vendosi drejtësia, vendosi e bardha ndaj të zezës”
Pas përfundimit të procesit zgjedhor në Dollnen, Ramis Aliu ka reaguar me një mesazh falënderimi dhe krenarie për fitoren që e cilësoi si “fitore të drejtësisë dhe bashkimit”.
“Një zë i fuqishëm i popullit u dëgjua – vendosi drejtësia, vendosi e bardha ndaj të zezës! Kjo nuk është vetëm një fitore politike, por fitore e besimit, e bashkimit dhe e shpresës për një të ardhme më të mirë,” shkruan Aliu.
Ai thekson se populli i Dollnenit tregoi forcën e unitetit dhe se në krye me Blerim Islamin është shkruar “një faqe e re në historinë e komunës, me dinjitet dhe me krenari”.
“Populli i Dollnenit tregoi se kur është i bashkuar, nuk e ndal askush! Në krye me Blerim Islamin, ne e shkruam një faqe të re në historinë tonë – me dinjitet dhe me krenari,” shton ai.
Në fund, Aliu kujton atmosferën festive në disa fshatra të komunës, duke përmendur Debreshin, Cërnilishtin dhe Lazhanin, ku fitorja u festua me entuziazëm:
“Festuam dy herë në Debresh, dy herë në Cërnilisht, edhe në Lazhan një herë dhe shpresojmë që pas katër vitesh ta festojmë edhe në Zhitoshe – me shumë krenari, bashkim dhe fitore!”