Njësitë e sigurisë së Kosovës kanë arrestuar sot në pikëkalimin kufitar të Jarinjës një pjesëtar të Policisë së Serbisë, i cili tentoi të hyjë në territorin e Kosovës. Gjatë kontrollit, autoritetet kanë gjetur dhe konfiskuar sasi municioni, si dhe mijëra euro para të gatshme.
Sipas burimeve të para hetimore, personi i arrestuar dyshohet për veprimtari të paligjshme dhe shkelje të protokolleve kufitare. Ai është dërguar për procedura të mëtejshme në Prokurorinë kompetente.