Një mesazh i dërguar nga Ermal Fuga, kunati i Bekim Salit, ka ngjallur reagime dhe shqetësim në rrjete sociale. Përmbajtja e mesazhit zbulon një formë presioni që, sipas qytetarëve, tregon mënyrën e padrejtë se si trajtohen njerëzit nga ata që janë afër pushtetit.
Në mesazhin që po qarkullon, Fuga kërkon që personat që presin vendime nga institucionet të tregojnë mbështetje publike në rrjete sociale, duke shpërndarë postime të caktuara.
“Secili çka asht n’list për vendim, dueht mi bo share kryetarit edhe drejtorave tonë. Nëse s’bajn, problem vendime me marr!”, – shkruan Ermal Fuga.
Ky mesazh është cilësuar nga qytetarët si një formë presioni dhe shantazhi politik, që kushtëzon të drejtat e njerëzve me bindje apo përkushtim ndaj figurave të pushtetit.
Veprime të tilla, sipas reagimeve në rrjete, janë shembull i keqpërdorimit të pozitës dhe cenojnë besimin e qytetarëve tek institucionet publike.
