Kryetari i Komunës së Çairit, Izet Mexhiti, ka zhvilluar një takim miqësor në shtëpinë e doktoreshës Besa Demiri, ku morën pjesë një rreth profesionistësh, mjekësh, profesorësh dhe intelektualësh nga Çairi.
“Sonte patëm kënaqësinë të jemi mysafirë në shtëpinë e doktoreshës Besa Demiri, e cila na priti me shumë ngrohtësi dhe respekt, bashkë me një rreth të mrekullueshëm profesionistësh…,” ka shkruar Mexhiti në një postim në rrjetet sociale.
Gjatë takimit u diskutua për projektet zhvillimore në komunë, investimet që po transformojnë Çairin dhe vizionin për ta bërë atë shembull të zhvillimit dhe bashkëjetesës. Mexhiti theksoi se bashkëpunimi me njerëzit e vlerave është thelbësor për mënyrën se si ai dhe ekipi i tij qeverisin: me profesionistë, bashkë me qytetarë dhe për çdo familje që beson në punë, përkushtim dhe drejtësi.