Aleanca Kombëtare për Integrim (AKI) ka dalë sot me akuza të ashpra ndaj kryetarit në ikje të Tetovës, Bilall Kasami, duke pretenduar se shefi i PR-së së tij, Adnan Selmani, ka përfituar mbi 150 mijë euro nga fondet e komunës.
Sipas AKI-së, vetëm kompania “On Media”, e themeluar në fund të vitit 2023, ka marrë mbi 80 mijë euro nga Komuna e Tetovës gjatë viteve 2024 dhe 2025.
“Çdo ditë, kryetari në ikje po keqpërdor buxhetin e qytetarëve për interesa personale dhe partiake”, deklaruan përfaqësuesit e AKI-së gjatë një konference për shtyp.
Aleanca Kombëtare për Integrim kërkoi që organet kompetente të ndërmarrin hetime të menjëhershme dhe të ndalojnë çdo keqpërdorim të mëtejshëm të fondeve publike, që sipas tyre po dëmton rëndë interesin e qytetarëve të Tetovës.