Një ngjarje e rëndë ka ndodhur mbrëmjen e djeshme në Prilep, ku dy persona kanë mbetur të vrarë dhe një tjetër ka kryer vetëvrasje. Sipas informacioneve jozyrtare të siguruara nga “Skopje1”, ngjarja ka ndodhur gjatë një gëzimi familjar, konkretisht një dasme.
Burime të afërta me rastin bëjnë me dije se autori i dyshuar është daja i viktimës, i cili fillimisht ka qëlluar për vdekje nipin dhe babanë e tij, përpara se të kryente vetëvrasje.
Policia ka reaguar menjëherë, duke mbërritur në vendngjarje me forca të shumta sigurie. Aktualisht, zona ku ndodhi incidenti është e rrethuar, ndërsa po zhvillohen hetime intensive për zbardhjen e plotë të rrethanave.
Nga Ministria e Punëve të Brendshme pritet të ketë një deklaratë zyrtare gjatë mëngjesit.
Ngjarja ka tronditur opinionin publik dhe komunitetin lokal në Prilep, duke ngritur shqetësime mbi sigurinë dhe konfliktet familjare që shpeshherë përfundojnë në tragjedi.