Drejtoria për Siguri Publike (BJB) pranë Ministrisë së Punëve të Brendshme po zhvillon një operacion të gjerë policor në disa qytete të Maqedonisë, i cili është i fokusuar në luftimin e krimit të organizuar dhe korrupsionit në sistemin shëndetësor.
Sipas informacioneve jozyrtare, bëhet fjalë për veprime të paligjshme të kryera ndër vite, ku përmes paraqitjes së diagnozave të rreme, është mundësuar aplikimi, përfitimi dhe përdorimi i ndihmës financiare për kujdes nga person tjetër, si dhe përfitimi i padrejtë dhe përdorimi i pensioneve invalidore.
Gjithashtu jozyrtarisht, bëhet fjalë për një rrjet të përbërë nga mbi 50 persona: mjekë, një anëtar komisioni në Fondin për Sigurim Pensional dhe Invalidor (PИОМ), një avokat, një ekspert, një menaxher i një zyre konsulence. Po kryhen kontrolle në ordinanca shëndetësore, në një zyrë avokatie, në zyra zyrtare ku punojnë mjekët – në Qendrën Klinike “Nëna Terezë” në Shkup, Spitalin Klinik të Tetovës dhe Spitalin e Përgjithshëm të Velesit.