Publikuar më 4 nëntor 2015
Rreth 20,000 njerëz dolën në rrugë për të protestuar pas një zjarri në një klub nate në Bukuresht, ku humbën jetën 32 persona, duke bërë që kryeministri rumun Victor Ponta të japë dorëheqjen.
Zjarri shpërtheu të premten në mbrëmje kur një grup muzikor ndezi fishekzjarre brenda klubit.
Protestuesit kërkuan dorëheqjen e z. Ponta, duke u ankuar për korrupsionin qeveritar dhe mbikëqyrjen e dobët të sigurisë.
“Po dorëzoj mandatin tim, po jap dorëheqjen, dhe rrjedhimisht edhe qeveria ime,” tha z. Ponta në një deklaratë.
“Shpresoj që dorëheqja e qeverisë do t’i kënaqë njerëzit që dolën në rrugë,” shtoi ai.