Strugë – Në repartin urologjik të Spitalit të Strugës është kryer me sukses një ndërhyrje e rrallë kirurgjikale për heqjen e gurëve nga fshikëza urinare e një pacienteje 45-vjeçare nga Ohri. Mjekët urologë arritën të largojnë me sukses gurë me përmasa të mëdha, ndër të cilët edhe një prej më të mëdhenjve të nxjerrë në 30 vitet e fundit.
Ky sukses është një tjetër dëshmi e përkushtimit dhe profesionalizmit të ekipit të repartit urologjik në Strugë, i cili tashmë prej disa vitesh funksionon si një qendër rajonale, duke ofruar shërbime të specializuara për pacientët nga i gjithë rajoni jugperëndimor dhe më gjerë.
Ndërhyrja e suksesshme tregon nivelin e avancuar të shërbimeve mjekësore në këtë repart, duke u ofruar pacientëve trajtime moderne dhe cilësore pranë vendbanimit të tyre.
