Këngëtarja e njohur Nicki Minaj së fundmi ka qenë e ftuar në podcastin “Run-Through With Vogue”, ku ka zbuluar më shumë rreth jetës së saj personale dhe profesionale.
Ajo tregoi se është perduar shumë për operacionet plastike që ka bërë.
“Ju garantoj, nëse ndryshoni ndonjë gjë në trupin tuaj dhe bëni ndonjë gjë kirurgjikale me shumë gjasa do të shikoni prapa një ditë dhe do të thoni ‘Isha mirë ashtu siç isha’. Kjo është ajo që më ndodhi mua. Nuk më pëlqente të isha e dobët, të kisha fundshpinë të sheshtë, gjoksi që nuk rrinte mjaftueshëm lart. Ishin shumë gjëra.” – tha këngëtarja.
Nicki u shpreh se uk i pëlqenin fare fotot e saj të vjetra, ndërsa tregoi se ka qenë pikërisht djali i saj i cili e ka ndihuar që ta kalojë këtë problem.
“Mendoj se shtatzënia mund të ketë luajtur një rol sepse duke parë djalin tim më kujtoi shumë veten time. Vetja ime e vërtetë. Më bëri të mendoj pse nuk më pëlqeu kjo? E çuditshme. Por, duke parë fotot e vjetra, duke qenë në gjendje të shikoja sërish fotot e vjetra, më bëri të kuptoja se këto foto të vjetra janë të bukura”- tha Nicki.
Ndërsa shtoi: “Më pëlqen. Dikur doja të pasme më të madhe dhe tani shikoj prapa dhe kuptoj se sa idiotësi ishte kjo. Duajini format tuaja.”