Kongresmeni Richie Torres duke folur rreth kërkesës së Kosovës për blerjen e raketave Javelin në vlerë 75 milionë dollarësh, dhe miratimit nga Departamenti Amerikan i Shtetit ka thënë se Shtetet e Bashkuara të Amerikës nuk kanë aleat më të madh se Kosovën dhe se për këtë ka mbështetje edhe të kongresmenëve.
“Shtetet e Bashkuara të Amerikës nuk kanë aleat më të madh sesa Kosovën dhe kjo është në interes të SHBA-së që të mbështesë aleatët e saj, siç është shitja e raketave Javelin. Ju e keni mbështetjen e kongresistëve amerikanë edhe këtu në Washington dhe për këtë ne përpiqemi t’ju ndihmojmë gjithashtu”, ka thënë ai për televizionin publik.
Kërkesa e Kosovës pritet të miratohet në Kongres.
Torrest përmendi se si Presidenti Joe Biden ka folur për demokracinë dhe tensionet ndërmjet Kosovës dhe Serbisë janë pjesë e kësaj politike. Kosova është një demokraci, një storie demokratike në Ballkanin Perëndimor, ndërsa Serbia është një vend autokrat, përderisa Kosova është një aleate e SHBA-së.
“Kosova ishte e para që pranoi refugjatë, derisa Serbia është satelit i Rusisë dhe nuk ka vendosur sanksione ndaj saj, por në të kundërtën ka importuar armë nga ajo. Presidenti rus, Vladimir Putin, është figura më e çmuar në Serbi”, u shpreh ai.