Çifti Rita Ora dhe Taika Waititi janë shpesh të hapur për fansat për jetën e tyre private.
Gjatë after party-t pas ceremonisë së çmimeve “Emmy Awards 2024”, që u mbajt më 15 shtator, këngëtarja e hitit “Let You Love Me,” 33 vjeçe, ka folur për martesën e saj me regjisorin e e “Thor: Ragnarok”, 49 vjeç.
“Ne frymëzojmë njëri-tjetrin”, i tha Ora medias. “Unë vij nga muzika dhe ai është skenarist, regjisor dhe producent, kështu që është një shtëpi plot ide”, shkruan Revista People.
Këngëtarja e popit shtoi: “Ne jemi të dy shenja zjarri, gjithashtu. Pra, është thjesht zjarr, zjarr, zjarr”.
Ora gjithashtu insistoi se ajo është “e qeshur dhe argëtuese” në martesën e tyre. “Dua t’ju njoftoj për këtë”, tha ajo, duke shtuar se ata “ndihmojnë njëri-tjetrin, gjithmonë”.
Rita, e cila ishte në ceremoninë e çmimeve për të mbështetur “njeriun e saj” Waititi për nominimet e tij në kategorinë e serive komike për “Reservation Dogs” dhe “What We Do in the Shadows”, tha se çifti kishte një “natë të këndshme” dhe e cilësoi mbrëmjen e ‘Emmy Awards’ si “një shfaqje të pabesueshme”.
Ngjarja gjithashtu nxiti disa krijimtari për interpretuesen e hitit “For You”.
“Po ecja drejt kësaj feste dhe i thashë Taikas: “Kjo më ka bërë të dëshiroj të shkoj në shtëpi dhe të shkruaj çdo gjë që mund të mendoj tani”, tha Ora. “Isha kaq e frymëzuar, fjalimet e atyre që pranonin çmime ishin kaq inspiruese”.
Taika Waitit dhe Rita Ora u martuan në gusht të vitit 2022, në Los Angeles.
Në atë kohë, një burim konfirmoi për Revistën “People” se Ora dhe Waititi u martuan gjatë një ceremonie “shumë të vogël” më 4 gusht 2022. Megjithatë, ata nuk e ndanë lajmin me publikun deri në janar të vitit 2023.
“Unë jam zyrtarisht jashtë tregut të beqarëve, njerëz”, tha Ora gjatë një interviste në ‘Heart Breakfast’ në janar të vitit 2023 ku po promovonte këngën e saj “You Only Love Me”.
Gjatë një paraqitjeje në “The Tonight Show” me Jimmy Fallon në shkurt të vitit 2023, Ora e tregoi për herë të parë unazën e martesës dhe zbuloi se ndoshta kishte ndihmuar Waititin të zgjidhte unazën.
“E ndjeja se vërtet doja të isha me këtë person, dhe thjesht doja që të ndiheshim shumë mirë”, tha ajo. “Kështu që, ndoshta e kam çuar në dyqan dhe kam treguar saktësisht cilën unazë doja”, shtoi ylli. /Telegrafi/