Në pesë terrene të Ligës së Parë të futbollit vendor, sot u zhvilluan ndeshjet e javës së 17-të të sezonit vjeshtor. Shkupi dhe Struga Trim Lum shënuan fitore, ndërsa Voska Sport dhe Gostivari barazuan në transfertë.
Derbi i kësaj jave që u zhvillua në stadiumin e Çairit mes Shkupit dhe Shkëndijës pas 90 minutave lojë, përfundoi me rezultatin 1-0
Vendasit në pjesën e parë ishin në epërsi 1-0 me golin e Trapanoskit në minutën e 37-të. Me këto tre pikë Shkupi vazhdon të kryesojë renditjen me 35 pikë, ndërsa Shkëndija zbret pozitën e tretë me 32 pikë.
Në Kavadar ndeshja u zhvillua me kthesa të shumta, vendasit kaluan në epërsi me autogolin e Zguros në minutën e 6 dhe të Ivanovskit në minutën e 13-të, por Marjan Radevski me dy gola në minutën e 37 dhe 42 barazoi rezultatin me të cilën përfundoi pjesa e parë. Në pjesën e dytë struganët shënuan edhe golin e tretë me autor Georgievski.
Në Shtip, Bregallnica vendas dhe Voska Sport I ndanë pikët duke luajtur me barazim 2-2., në Kratovë Sileksi dhe Gostivari përfunduan me rezultat të barabartë 1-1, ndërsa Rabotniçki shënoi fitore 1-0, kundër AP Brera.
Dje në stadiumin e Gjorçe Petrovit, ekipi Vardarit në cilësinë e mysafirit me golin e Mihajlo Milosavic mundi Makedopnija GjP 1-0.
Rezultatet e javës së 17-të
Shkupi – Shkëndija 1-0
Tikveshi – Struga Trim Lum 2-3
Sileksi – Gostivari 1-1
Bregallnica – Voska Sport 2-2
Rabotniçki – AP Brera 1-0
Dje Makedonia Gj.P – Vardari 0-1