Një 18-vjeçare nga Shkupi ka raportuar rrejshëm se një 55-vjeçar nga Tetova e ka sulmuar dhe e ka mbajtur me forcë në shtëpinë e tij, njoftojnë nga MPB.
Me datë 19.01.2024 në ora 00:00, zyrtarë policorë nga SPB Tetovë i kanë hequr lirinë R.I.(18) nga Shkupi. Një ditë më parë rreth orës 21:30 ka raportuar se E.I.(55) nga Tetova e ka sulmuar fizikisht dhe e ka mbajtur kundër dëshirës në shtëpinë e tij. Pas marrjes së masave dhe aktiviteteve në bashkëpunim me Qendrën për Çështje Sociale Tetovë, është konstatuar se ajo ka raportuar rrejshëm për ngjarjen, ndërsa më pas në një bisedë zyrtare ajo vetë ka pranuar se me dëshirën e saj ka qëndruar në shtëpinë e tij. Pas dokumentimit të plotë të rastit kundër saj do të bëhet kallëzim nga neni 366 paragrafi 1 lidhur me nenin 140 paragrafi 1 të Kodit Penal, theksojnë nga MPB.