Nga Ministria e Punëve të Brendshme njoftojnë se në në aksionin e djeshëm për furnizime me derivate të dyshimta janë arrestuar 11 persona, ndërsa një person është i pakapshëm për organet e rendit, kurse një tjetër është nën masa të paraburgimit, shkruan TV21. Nga MPB thonë se bastisje janë zhvilluar në Shkup, Manastir dhe Kërçovë.
“Nga kontrollet e deritanishme janë gjetur dhe sekuestruar dokumente, pesë celularë, rreth 1500 copë municione të kalibrave të ndryshëm, dy pistoleta dhe tre automjete për pasagjerë. Janë ngritur kallëzime penale për “shpërdorim të pozitës dhe autoritetit zyrtar” dhe “Pastrim i parave dhe të ardhurave të tjera nga veprimtaria të dënueshme” ndaj 13 personave fizik dhe një personi juridik, përkatësisht: V.K. (55) nga Manastiri, A.M. (44) nga Shkupi, N.S. (61) nga Komuna e Mavrovë dhe Rostushës, E.P. (52) nga Shkupi, M.N. (60) nga Shkupi, B.M. (51) nga Shkupi, R.R. (48) nga komuna e Zhelinës, D.S.J. (43) nga Kumanova, D.S. (66) nga Shkupi, D.S. (43) nga Velesi, R.K. (38) nga Shkupi, E.S. (43) nga Kërçova dhe A.J. (40) nga fshati Pllasnicë dhe një person juridik nga Shkupi”, thuhet mes tjerash në njoftimin e MPB-së./tv21.tv