Komisioni Qendror i Zgjedhjeve (KQZ) ka publikuar raportet e paaudituara të deklarimit financiar të fushatës zgjedhore të subjekteve politike për Zgjedhjet për Kuvendin e Kosovës, të mbajtura më 9 shkurt 2025, shkruan Insajderi.
Sipas këtyre deklarimeve VV ka shpenzuar miliona.
Në raport kuptohen edhe shpenzimet që Lëvizja Vetëvendosje ka pasur lidhur me ushqimin, radio e spotet televizive, shpenzimet e tjera të reklamave, reprezentacionet dhe konferencat, të cilat gjithsej kalojnë shifrën prej 1.1 milion eurosh.
Nga të dhënat e publikuara shihet se VV ka deklaruar shpenzime edhe për pagat dhe kompenzimet, pagesat e vëzhgueseve e ‘‘beneficione tjera’’. Këtu shpenzime e VV-së arrijnë deri afër 37 mijë euro.
Vetëvendosje kishte organizuar edhe një ndenjë në një diskotekë në Prishtinë që figuron se ka paguar mbi 10 mijë euro aty.
VV-ja ka deklaruar edhe shpenzimet e transportit të cilat kanë kaluar shifrën prej 199 mijë eurosh.
Tutje, në raportin e KQZ-së bëhet e ditur edhe shuma e gjobave që ka marrë partia e Albin Kurtit, e që e cila kanë shifrën prej 212 mijë euro.
Përfundimisht, Lëvizja Vetëvendosje, gjatë periudhës mes 16 gushtit të vitit të kaluar, dhe 9 shkurtit të këtij viti, ka shpenzuar mbi 1.7 milionë euro.